Elimizde jerdiń memlekettik baqylaýyn júzege asyratyn jer ınspektorlary jetispeıdi

Búgin QR Parlamenti Májilisinde ótken Úkimet saǵatynda Jer resýrstaryn basqarý agenttiginiń tóraǵasy Ómirzaq Ózbekov osylaı málim etti.

«Jerdi paıdalaný men qorǵaýdy memlekettik baqylaýdy iske asyrýdyń problemalyq máseleleri de jetkilikti. Birinshiden, shtat máselesi. Agenttiktiń jalpy shtat sany 206 adam ǵana. Onyń 177-isi aýmaqtyq organdarǵa tıesili. Ákimshilik reformalar barysynda 2007 jyly agenttiktiń 14 oblys pen Astana jáne Almaty qalalary boıynsha aýmaqtyq organdary 7 óńiraralyq jer ınspektsııalary bolyp qaıta qurylǵan bolatyn. Osyǵan baılanysty, memlekettik baqylaýdaǵy is-sharalardy júzege asyrýda kóptegen qıyndyqtarǵa urynyp otyrmyz», - dedi Ó. Ózbekov.

Onyń aıtýynsha, ár oblys boıynsha ınspektorlardyń ortasha sany 6 kisiden aspaıdy. Sonymen qatar ınspektorlardy kólikpen qamtamasyz etý máseleleri de durys jolǵa qoıylmaı keledi. Inspektorlar qaramaǵynda bar-joǵy 30 avtokólik bolsa, olardyń jartysyna jýyǵy jaramsyz.

«Memlekettik qyzmetkerler sanyn azaıtýǵa jáne bıýdjet tapshylyǵana oraı, shtat máselesi áli kúnge sheshimin tappaı otyr», - deıdi Ó. Ózbekov.