Elimizde jer ýchaskesine quqyq berý merzimi 1,5 aıǵa deıin qysqarady - S.Nokın

ASTANA. 22 qańtar. QazAqparat - Qazaqstanda jer ýchaskesine quqyq berý merzimi 1,5 aıǵa deıin qysqarady.

Bul týraly búgin Úkimet otyrysynda QR Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın málim etti.

Onyń atap ótýinshe, Jer kodeksiniń 43-babyna sáıkes jer telimin berýge arnalǵan ótinimdi qaraýdyń jalpy merzimi 2 aıǵa deıingi ýaqytty quraıdy. Biraq jerge nysan salý jobasyn ázirleýdiń naqty merzimi bolmaýy saldarynan bul máseleniń sheshimi 6 aıdan bastap odan da uzaq merzimge sozylýy da múmkin.

«Bul máselege qatysty biryńǵaı pikir qalyptasqan jaǵdaıda nysan salý úshin jer telimine quqyq berý protsesin 1,5 aıǵa deıin qysqartýǵa bolady», - dedi ol.