Elimizde jer ıeleri qandaı zańsyzdyqtarǵa jıi barady

ASTANA. QazAqparat – Elimizde jer ýchaskeleri ıeleri ony paıdalanýda qandaı zańsyzdyqtarǵa jıi baratyny belgili boldy, dep habarlaıdy QazAqparat tilshisi.

«Memlekettik jer ýchaskelerin zańsyz ıelenip alý, jer ýchaskesin qorshaý maqsatynda ony qazý arqyly arqyly zalal keltirý, ıaǵnı, jerdiń qunarly qabatyn sydyryp alý, sonymen qatar aaýyl sharýashylyǵy maqsatyndaǵy jerdi utymsyz paıdalaný, maqsatqa saı qoldanbaý jáne bos qaldyrý sekildi faktiler jıi kezdesedi», - delingen Aýyl sharýashylyǵy mınıstrliginiń QazAqparat joldaǵan resmı saýal jaýabynda.

Sondaı-aq, vedomstvodan jer ýchaskelerin berýde jergilikti atqarýshy organdardyń zańdy buzǵan faktileri anyqtalǵany aıtyldy.

«Óńirlerdegi jerge ornalastyrý basqarmalary jer ýchaskesine quqyq berý boıynsha memlekettik qyzmet kórsetýden negizsiz bas tartý týraly aryzdardy qaraýǵa qabyldamaı kelgen. Osyǵan baılanysty bıýrokratııaǵa jol bermeý jáne ótinishterdi qaraý boıynsha biryńǵaı saıasatty qalyptastyrý maqsatynda mınıstrlik tarapynan osyndaı aryzdardy atqarýshylyq óndiriske qabyldaý jáne búkil oblystyq basqarmalarǵa jumysqa qabyldaý jóninde jergilikti ınspektsııalarǵa hat joldandy», - deıdi mınıstrlikten.

Buǵan deıin Aýyl sharýashylyǵy mınıstrliginiń jyl sońyna deıin 5 mln gektar jerdi memleket menshigine qaıtarý josparyn habarlaǵan edik.