Elimizde jeke menshik ýnıversıtette bilim alýshylardyń sany ósýde
NUR-SULTAN. QazAqparat – 2016-2020 jyldar aralyǵynda jeke menshik ýnıversıtette bilim alýshylardyń sany 53,8% ósken. Bul týraly QR Bilim jáne ǵylym mınıstrligi ótkizgen jıynda aıtyldy, dep habarlaıdy QazAqparat tilshisi.
«Qazirgi ýaqytta elimizde jalpy 127 joǵary oqý orny bar, onyń ishinde 70 - jeke menshik. Jalpy bilim alýshylardyń sany 624 263 adamdy quraıdy. Qazirgi ýaqytta joǵary oqý oryndarynyń 55%-y jeke menshik uıymdar. Olarda 391 309 adam oqýda (47 421-y memlekettik tapsyrys boıynsha)», - deıdi Joǵary jáne joǵary oqý ornynan keıingi bilim departamentiniń dırektory Ádilet Toıbaev.
Onyń aıtýynsha, jeke menshik ýnıversıtetterdegi bilim alýshylardyń sanynyń jyl saıyn ósýi baıqalady. Mysaly, 2016-2020 jyldar aralyǵynda 53,8% ósken.
«Atap aıtqanda, kontıngenti eń kóp jeke menshik joǵary oqý oryndary: Shymkent ýnıversıteti – 15 527, Qazaqstan ınjenerlik-pedagogıkalyq Halyqtar dostyǵy ýnıversıteti – 12 717, «SilkWay» ýnıversıteti – 9 320 jáne olardyń barlyǵy bir óńirde ornalasqanyn eskerý qajet. ıAǵnı, is júzinde birqatar jekemenshik ýnıversıtetterdi óz kontıngenti boıynsha Ál-Farabı atyndaǵy QazUÝ, L.Gýmılev atyndaǵy EUÝ sııaqty ulttyq ýnıversıtettermen salystyrýǵa bolady. 2030 jylǵa qaraı JOO túlekteri eki esege kóbeıip, sany 301 602 adamǵa jetedi dep kútilýde», - deıdi ol.
