Elimizde jaýyngerlik jaǵdaıǵa jaqyndatylǵan «Aıbalta» oqý-jattyǵýy bastaldy (FOTO)
Qorǵanys mınıstrliginiń baspasóz qyzmetiniń habarlaýynsha, oqý-jattyǵý alǵash ret jaýyngerlikke jaqyndatylǵan jaǵdaılarda qysta ótkizilýde. Bul oqý-jattyǵýdyń erekshelikteri úlken qashyqtyqtarǵa qaıta toptasýy jáne jedel áýeaılaqtarǵa maıdandyq avıatsııanyń kóshirilýinen keıingi áskerlerdiń is-qımyldary, kúrdeli qysqy jaǵdaıdaǵy is-qımyldar boldy. «Oqý-jattyǵýǵa «Astana» óńirlik qolbasshylyǵy, Aeroutqyr áskerleri, «Shyǵys» óńirlik qolbasshylyǵy qatysýda». Sondaı-aq oǵan Shekara áskerleri, Ulttyq ulan men Áýe qorǵanysy kúshteri tarttyldy. Biz oqý-jattyǵýdy tómen temperatýrada, qysta jáne áskerler úshin beıtanys jerde ótkizdik. Sondyqtan biz komandırlerdiń bul jerdi bilmeıtindeı etip tańdadyq. Birqatar jekelegen batalondar ońtústikten Merki, Arystan, birqatar batalon, dıvızıon batystan keldi. Olar qazir kelip jatyr, tıelip bitedi jáne belgilengen aýdandarǵa shyǵady. Negizi maqsat - kúrdeli jaǵdaılarda jumys jasaý úshin shtabtardy, áskerlerdi daıarlaý, sondaı-aq jaýyngerlikke jaqyndatylǵan, qysqy temperatýrada áskerı operatsııalardy josparlaýǵa úıretý», - deıdi QR QK Qurlyq áskerleriniń bas qolbasshysy general-leıtenant Murat Maıkeev.
Oqý-jattyǵý aqpannyń 22-i men 26-y aralyǵynda udaıy ornalasý pýnktterinde, qozǵalý baǵdarlarlary men «Shyǵys», «Saryózek» jáne «Spassk» polıgondarynda ótedi. Barlyǵy oqý-jattyǵýǵa 5 myńǵa jýyq adam, 1 500-den asa qarý-jaraq pen áskerı tehnıka jáne shamamen 30 avıatsııalyq tehnıka tartylady. «Búgin bólimdi jaýyngerlik ázirliktiń joǵary dárejesine keltirý jónindegi is-sharalar ótkizildi. Biz kórsetilgen aýdanǵa marsh jasaýǵa oqý-jaýyngerlik tapsyrma aldyq. Onda jaýyngerlikke jaqyndatylǵan jaǵdaılarda bólim shtabymen jaýyngerlik is-qımyldardy josparlaý júrgiziledi, al bólimshelerdiń jeke quramy oqý-jattyǵý boıynsha shartty qarsylasty is júzinde joıý jónindegi tapsyrmalardy oryndaıdy. 177 adam jáne 52 birlik tehnıka tartylady. Oqý-jattyǵýdaǵy artıllerııashylardyń mindeti shartty qarsylasty atyspen qoldaý, jalpyáskerı bólimsheler men bólimderdi qoldaý», - dep 28738 áskerı bóliminiń komandıri podpolkovnık Janat Rasqulov atap ótti. Osy aptada oqý-jattyǵýdyń negizgi kezeńderi ótetinin aıta keteıik. Onda áskerı qyzmetshiler áskerlerdiń dalalyq mashyǵyn, kúrdeli qysqy jaǵdaıda is-qımyl jasaý kezinde jeke quramnyń moraldyq-psıhologııalyq turaqtylyǵy men fızıkalyq turǵydaǵy tózimdiligin arttyrady. 
