Elimizde «jasyl» tehnologııalarǵa negizdelgen vagondar qoldanysqa engiziledi
NUR-SULTAN. QazAqparat – 2022 jyldan bastap Qazaqstanda «jasyl» tehnologııalarǵa negizdelgen vagondar bolady. Bul týraly «Jolaýshylar tasymaly» AQ bas dırektorynyń korporatıvtiń máseleler jónindegi orynbasary Asylhan Qaldykozov málim etti, dep habarlaıdy QazAqparat tilshisi.
«Tozyǵy jetýine baılanysty jyl saıyn 100-den astam vagonnyń jumysy toqtatylady. Kompanııada Úkimettiń qoldaýymen vagondar parkin jańartý jospary bar. Bıyl memlekettiń qoldaýymen «Jolaýshylar tasymaly» zamanaýı 63 jańa jolaýshylar vagonyn aldy. Jalpy, 2019-2020 jyldary taǵy da 146 vagon satyp alý josparlanǵan. Osy oraıda qajettilikti barynsha jabamyz dep úmittenemiz», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń sózine qaraǵanda, kompanııa qoldanystaǵy vagondardy jańǵyrtýdy qarastyryp otyr. ıAǵnı, vagondardy isten shyǵarmaı, olardyń qyzmet kórsetý merzimin uzartý eskerilgen.
«Búginde QTJ kompanııasy «jasyl tehnologııalarǵa» kóshýdi pysyqtap jatyr. Bul turǵyda qazirgi kezde vagondarda kómir jaǵylyp kelse, endi aldaǵy 2-3 jylda kómirdi paıdalanýdy toqtatý jospary bar. «Jasyl» vagondarǵa barynsha ekpin qoıylady. 2022 jyldan bastap kompanııa «jasyl» tehnologııalarǵa negizdelgen vagondardy satyp alý nemese jańartýdy kózdep otyr», - dedi Asylhan Qaldykozov.
