Elimizde jastar basshylyq jasaıtyn qansha kompanııa bar

ASTANA. QazAqparat – Osy jyldyń 1 qazanynda elimizde jasy 29-ǵa tolmaǵan jastar 100 paıyz ıelik etetin jumys istep turǵan zańdy tulǵalar sany 34,2 myńǵa jetti, dep habarlaıdy QazAqparat tilshisi.

Finprom.kz málimetinshe, óńirler arasynda jastar basshylyq jasaıtyn zańdy tulǵalardyń basym bóligi elimizdiń iri qalalarynda ornalasqan.

Máselen, Almatyda 9,2 myń, Astanada 7,8 myń jáne Shymkent qalasynda 2,8 myń kompanııa bar.

Al eń azy jańadan qurylǵan Ulytaý (169), Abaı (375) jáne Jetisý (410) oblystarynda tirkelgen.

Kompanııalardyń basym bóligi kóterme jáne bólshek saýda, kólik jóndeý salalarynda qyzmet kórsetedi: 12,2 kásiporyn.

Odan keıin qurylys salasy (5,5 myń kompanııa), kásibı, ǵylymı jáne tehnıkalyq qyzmet (2 myń) tur.

Jastar basshylyq jasaıtyn kompanııalar memlekettik basqarý jáne qorǵanys, jylý jáne elektrmen jabdyqtaý, sýmen jabdyqtaý, qaldyqtardy joıý salalarynda óte az.