Elimizde jasandy jolmen dúnıege kelgen sábılerdiń sany 10 myńnan asty
ASTANA. QazAqparat - Osydan 20 jyl buryn qazaqstandyq reprodýktolog mamandar otandyq medıtsınada tyńnan túren saldy. Bala súıýge zar bolǵan erli-zaıyptylarǵa zor úmit syılap, ekstrakorporaldi uryqtandyrýdy bastady. Búginde elimizde osy tásilmen dúnıege kelgen sábıler sany 10 myńnan asypty.
Bul týraly 24.kz jazady.
Jasandy uryqtandyrý jolymen ómirge kelgen balalardyń alǵashqysynyń jasy 19-da. Al osy 20 jyldyq eńbekterin reprodýktolog mamandar bir fılm men bir kitapqa syıǵyzypty. Fılmdi alǵash ret ekrannan, osy joldy birge ótkergen otandyq, sheteldik mamandar jáne sol ólsheýsiz eńbektiń nátıjesin qushaqtaryna qysyp kelgen baqytty ata-analar tamashalady.
- Bizdiń memlekette, ásirese Astanada elshiliktiń, sheteldiń adamdary da emdelip jatady. Qazaqstanda bul sala jaqsy damydy. Árıne mamandar az, labaratorııa kóp emes, 20 shaqtysy bar. Alǵash bolyp jol salǵannan keıin bizge qıyn bolǵany ras. Sony kóresizder, oqısyzdar, - dedi «Ekomed» klınıkasynyń negizin qalaýshy jáne jetekshisi Saltanat Baıqoshqarova.
Jarty saǵatqa sozylatyn derekti fılmdi aq halattylar óz kúshterimen túsiripti. Tútikten shyqqan sábıleriniń taǵdyryn ekrannan kórgen analar kózderine jas aldy.
