Elimizde jasalǵan kólikterdiń qymbattaýyna ne sebep

ASTANA. QazAqparat – Mashına jasaıtyn otandyq kásiporyndarda qoldanylatyn tozǵan tehnıka óndiris tıimdiligin tómendetip, kólik baǵasynyń qymbattaýyna ákeledi. Bul týraly Ashyq NQA portalynda jarııalanǵan mashına jasaý salasyn damytýdyń 4 jyldyq keshendi josparynda aıtylǵan, dep habarlaıdy QazAqparat tilshisi.

«Mashına jasaý salasyndaǵy jabdyqtardyń 37-40% tozǵan. ıAǵnı, olar jańǵyrtýdy nemese jóndeýdi talap etedi. Alaıda, bul banktik nesıeleýdiń joǵary stavkalaryna, kásiporyndardyń qaıta nesıelenýine, kepil bazasynyń bolmaýyna baılanysty kúrdelenip otyr», - dep jazylǵan qujatta.

Keshendi josparda kórsetilgendeı, tozǵan tehnıkany paıdalaný kesirinen shyǵyndar ósip otyr. Tıisinshe ol óndiris tıimdiligin tómendetedi jáne kólik baǵasynyń qymbattaýyna ákeledi.

«Birinshi kezekte shaǵyn jáne orta bıznesti, onyń ishinde «Ónerkásipti damytý» qorynyń jelisi boıynsha otandyq óndiristerdi damytý jáne jańa óndirister qurý úshin basym jáne qoljetimdi qarjylandyrýdy qamtamasyz etý máselesi ózekti bolyp qalýda. Sondaı-aq, salanyń damýyna ulttyq valıýta baǵamynyń qubylmaly bolýy qysym túsiredi. Bul - otandyq ónim óndirisinde paıdalanylatyn aralyq taýarlar men jabdyqtar ımportynyń qymbattaýyna áser etedi», - delingen josparda.

Buǵan deıin habarlaǵanymyzdaı, Qazaqstandaǵy mashına jasaý salasyn damytýdyń 2024-2028 jyldarǵa arnalǵan keshendi jospary bekitilmek.