Elimizde jasalatyn qylmystyń 70 paıyzy urlyqpen baılanysty
ASTANA. 19 qarasha. QazAqparat - Elimizde jasalatyn qylmystyń 70 paıyzy urlyqpen baılanysty. Bul týraly búgin Májilistegi Úkimet saǵatynda baıandama jasaǵan Іshki ister mınıstri Qalmuhanbet Qasymov málim etti.
Mınıstrdiń aıtýynsha, bıylǵy jyly urlyqqa qatysty kórsetkish 59 paıyzǵa ósip otyr. Onyń ishinde árbir tórtinshi urlyq pen árbir ekinshi tonaý qylmysy uıaly telefonǵa qatysty oryn alǵan.
«Degenmen elimizde jasalatyn asa aýyr qylmystar kórsetkishi birshama azaıyp keledi. Máselen, osyndaı erekshe aýyr qylmystar kórsetkishi 18 paıyzǵa tómendese, onyń ishinde kisi óltirý 10 paıyzǵa, densaýlyqqa asa iri jaraqat salý 3 paıyzǵa, qaraqshylyq shabýyl 4 paıyzǵa kemidi»,-dedi Q. Qasymov.
Mınıstrdiń sózine qaraǵanda, tergeý jumystaryna sotqa deıingi óndiristiń jeńildetilgen túri engizilgen. Osyǵan oraı bundaı forma boıynsha sotqa 13 myńnan astam qylmystyq is joldansa, onyń ishinde 445-i - asa aýyr qylmystar.
