Elimizde jas ǵalymdardyń sany 1 myń adamǵa artty
«Jalpy, sońǵy 3 jylda ǵylymdy memlekettik qarjylandyrý 70 paıyzǵa artty. Ulttyq ǵylymı keńesterdiń jumys formaty ózgertildi. Olardyń quramy ǵalymdardyń obektıvti ǵylymı ólshemderi negizinde 85 paıyzǵa jańartyldy. Keńesterdiń otyrysy onlaın rejımde ótedi, olardyń sheshimderin appelıatsııaǵa berý ınstıtýty engizildi», - dedi QR Prezıdenti Ulttyq ǵylym akademııasynyń 75 jyldyǵyna arnalǵan saltanatty sessııada sóılegen sózinde.
Memleket basshysynyń atap ótýinshe, jas ǵalymdardy keshendi qoldaý kúsheıtildi. Doktorant baǵdarlamasy boıynsha bilim alý úshin granttar sany kezeń-kezeńimen artyp keledi, doktoranttardyń shákirtaqysy ulǵaıdy. Posdoktoranttarǵa arnaýly shákirtaqy engizildi.
«Qorytyndysynda eldegi jas ǵalymdardń aıasy sońǵy 2 jyldyń ishinde 1 myńnan astam adamǵa keńeıdi. Álemdik ǵylymı ortalyqtarda ǵalymdardyń biliktiligin arttyrý maqsatynda taǵlymdamadan ótýge granttar bólinedi», - dedi Qasym-Jomart Toqaev.
