Elimizde jarnama jáne marketıng salasynda tabys azaıdy
«Jarnama qyzmeti men naryq konıýnktýrasyn zertteý salasyndaǵy qyzmetter kólemi birinshi jartyjyldyqta ekonomıkanyń baqylanbaıtyn sektoryn qosqannyń ózinde 136,63 mlrd teńge boldy. Bul aqshalaı mánde byltyrǵa qaraǵanda 11,2% az degen sóz. Ekonomıkanyń baqylanbaıtyn sektoryn esepke almasaq, bul kórsetkish 136,61 mlrd teńge bolady. Munda da byltyhǵydan 11,2% az. Óńirler arasynda jarnama qyzmeti men naryq konıýnktýrasyn zertteý salasyndaǵy qyzmetterdiń 74,6% Almatyda (101,9 mlrd teńge) shoǵyrlanǵan. Odan keıingi orynda Astana (15,6 mlrd teńge) men Qaraǵandy oblysy (6,8 mlrd teńge) tur», - dep jazady Finprom.kz.
Salada kórsetilgen qyzmetter kóleminiń 97,3% shaǵyn kásiporyndarǵa (102,4 mlrd teńge) jáne jeke kásipkerlerge (30,5 mlrd teńge) tıesili bolǵan.
«Orta jáne iri kásiporyndarǵa tıisinshe 1,6 mlrd jáne 2,1 mlrd teńge ǵana qajet boldy. Qyzmetter qurylymynda jarnama agenttikteriniń qyzmetine 112,3 mlrd teńge jumsaldy. Bul ótken jyldyń sáıkes kezeńimen salystyrǵanda 20,9% az. Naryq konıýnktýrasyn jáne qoǵamdyq pikirdi zertteý salasyndaǵy qyzmetter kólemi 19,7 mlrd teńge boldy. Bul byltyrǵydan 2,4 ese kóp. BAQ-ta jarnama jarııalaýǵa 4,6 mlrd teńge jumsaldy. Bul byltyrǵy jarty jyldyqtan 27,6% artyq. Jyldyń alǵashqy alty aıynda jarnama qyzmeti men naryq konıýnktýrasyn zertteý salasyndaǵy ortasha aılyq 258,7 myń teńge boldy. Bul jalpy respýblıkadaǵy ortasha jalaqydan az (298,6 myń teńge)», - delingen saraptamada.
Foto: theeleader.com
