Elimizde janýarlardy azaptaý faktileri artqan

ASTANA. QazAqparat – Qazaqstanda janýarlarǵa qatygezdikpen qaraıtyndar sany ulǵaıyp, zańsyz aýlaý kórsetkishi artqan, dep habarlaıdy QazAqparat Finprom resýrsyna silteme jasap.

Bıyl qańtarda elimizde janýarlarǵa qatygezdik tanytqan 5 jaǵdaı tirkeldi. Byltyr osy ýaqytta 8 jaǵdaı bolǵan.

Sonymen qatar balyq aýlaý jáne basqa da sý janýarlary men ósimdikterdi zańsyz óndirýge qatysty 11 jaǵdaı tirkelip otyr. Byltyr 9 is tirkelgen.

Odan bólek, sırek kezdesetin jáne joıylyp ketý qaýpi bar jan-janýarlar, sondaı-aq paıdalanýǵa tyıym salynǵan ósimdikter men janýarlarǵa qatygezdik tanytýǵa qatysty 17 qylmystyq is qozǵalǵan.

Bir jyl buryn 12 qylmys tirkelgen.

Bıyl qańtarda zańsyz aýlaý ótken jylǵa qaraǵanda 17-den 12 jaǵdaıǵa deıin azaıǵan.

Janýarlarǵa qatygezdikpen qaraýǵa qatysty eń kóp qylmystyq quqyq buzýshylyqtar Pavlodar oblysynda tirkeldi.

Ótken qańtar aıynda 3 jaǵdaı (bir jyl buryn esh jaǵdaı tirkelmegen) boldy.

Zańsyz balyq aýlaý Qaraǵandy oblysynda jıi bolǵan, bir aıda 5 jaǵdaı tirkeldi.

Jetisý oblysy zańsyz ań aýlaý boıynsha erekshelenip, qańtarda 3 quqyq buzýshylyq jasaldy.

Sırek kezdesetin jáne joıylyp ketý qaýpi bar janýarlar men ósimdikterge qaýpi kóbine Aqtóbe oblysynda tirkeldi.

Bıyl qańtarda 4 quqyq buzýshylyq boldy, buǵan deıin bir de bir jaǵdaı bolmaǵan.

Eske sala keteıik, Almatyda 8 aqpannan bastap janýarlardy aýlaý, ýaqytsha ustaý, joıý, sondaı-aq, úı janýarlaryn ustaý men serýendetýdiń jańa erejeleri kúshine endi.

Jańa qaǵıdaǵa sáıkes qańǵybas janýarlardy aýlaǵanada olarǵa eshqandaı zalal kelmeýi tıis.