Elimizde jańa oqýlyqtardyń ózi eski ádisnamamen jazylǵan - B.Jumaǵulov
ASTANA. 11 qyrkúıek. QazAqparat - Elimizde jańa oqýlyqtardyń ózi eski ádisnamamen jazylǵan.
Bul týraly búgin Úkimet otyrysynda «Oqýshylardyń fýnkıtsonaldy saýattylyǵyn damytý jónindegi 2012-2016 jyldarǵa arnalǵan Ulttyq is-ıqmyl josparynyń oryndalý barysy týraly» baıandama jasaǵan QR Bilim jáne ǵylym mınıstri Baqytjan Jumaǵulov aıtty.
«Bilim mazmunyn jańa mindetterge sáıkes keltirý qajet. Biz birqatar baǵyttar boıynsha alǵa jyljyp kelemiz. Atap aıtqanda, pedagogtardy daıarlaý men biliktiligin arttyrý, E-learning júıesi men oqytýdyń jańa tehnologııalaryn engziý jáne taǵy basqalary», - dedi ol.
Degenmen mıınstrdiń sózine qaraǵanda, elimizdiń mektepterinde oqytylatyn barlyq oqýlyqtarǵa jasalǵan taldaý tipti jańa oqýlyqtardyń ózi eski ádisnama boıynsha jazylǵandyǵyn kórsetken. Al olardy jańa mindetterge sáıkes ózgertý qajet. Ol qyraýar qarjyny qajetsinedi.
«Avtorlardy, ádiskerlerdi, baspa men saraptaý júıesin jańasha daınydaý kerek. Sonyń negizinde, jeke tulǵaǵa baǵyttalǵan oqytýdy qamtamasyz etetin jańa formattaǵy oqýlyqtardy ázirleý qajet. Sondyqtan «Damytylatyn oqýlyqtar» jobasy iske asa bastady», - dedi B.Jumaǵulov.
