Elimizde jańa mereke bekitiledi

ASTANA. QazAqparat – Qazaqstanda jańa mereke paıda bolýy múmkin, dep habarlaıdy QazAqparat tilshisi.

Ashyq NQA portalynda jarııalanǵan Úkimet qaýlysyna saı, qarasha aıynyń ekinshi beısenbisi – elimizde Sapa kúni merekesi bolyp bekitilmek.

Qazaqstanda tıisti mereke kúnin bekitý tutynýshylardyń sapaly taýarlar men kórsetiletin qyzmetterge turaqty qyzyǵýshylyǵyn qalyptastyrýǵa, otandyq kásiporyndar men uıymdardy yntalandyrýǵa yqpal etedi jáne zamanaýı álemdik úrdisterdi eskere otyryp, shyǵarylatyn ónimder men kórsetiletin qyzmetterdi jetildiredi.

Bul kún dúnıejúzilik qaýymdastyq – 1989 jyldan bastap jyl saıyn qarashanyń ekinshi beısenbisinde atap ótiletin Dúnıejúzilik sapa kúnine oraı teńestirildi.

«Ony BUU qoldaýymen Eýropa, Amerıka jáne Japon sapa uıymdary qurdy. Jyl saıynǵy álemde túrli is-sharalar ótkiziledi, olardyń maqsaty - turaqty damýdy jáne azamattardyń laıyqty ómirin qamtamasyz etý úshin ónimniń, kórsetiletin qyzmetterdiń, qoǵamdy basqarýdyń joǵary sapasynyń mańyzyn atap ótý», - dep túsindirme berilgen Úkimet qaýlysynyń jobasyna.

Qujat 15 qyrkúıekke deıin kópshilik talqylaýda bolady. Keıin qol qoıý úshin Premer-Mınıstrge joldanady.