Elimizde jańa avtokólikter saýdasy 25 paıyz ósken

ASTANA. QazAqparat – Energyprom.kz-tiń jazýynsha, bir jyldyń ishinde eldegi jańa avtokólik saýdasy 25 paıyz ósken, dep habarlaıdy QazAqparat tilshisi.

«Álemdegi avtomobıl naryǵy quldyraýdan órleýge túbegeıli bet túzedi. Tamyz aıynda 6,9 mıllıon jańa avtomobıl satyldy. Bul byltyrǵy tamyz aıymen salystyrǵanda 18% kóp. Qazaqstanda jańa avtokólik satylymyótken jyldyń tamyzymen salystyrǵanda birden 25,4% ósip, 11,4 myń danaǵa jetti», - dep jazady analıtıkalyq resýrs.

Energyprom.kz keltirgen statıstıkaǵa qarap, Qazaqstannyń kólik naryǵynan reseılik óndiristiń ýaqytsha bolsa da yǵysqanyn baıqaýǵa bolady.

Segiz aıda Qazaqstandaǵy jańa kólikter satylymy 75 myńǵa jetti.

Bul byltyrǵydan jyldan 1,5% az. Tamyz aıynda elde 3,9 myń Chevrolet, 2,2 myń Hyundai, 1,5 myń Kia, 998 Toyota, 592 Lada brendiniń kóligi satylǵan.

«Qańtar-tamyz aılarynda satylǵan jańa avtomobılderdiń 51,1% Chevrolet pen Hyundai-dyń úlesine tıesili boldy. Chevrolet markaly 20,5 myń avtomobıl satyldy. Al Hyundai-dyń satylymy 12,6% ósip, 17,8 myńǵa jetti», - dep jazady Energyprom.kz.