Elimizde jalǵan aqsha jasaıtyn 12 jasyryn tsehtyń qyzmeti toqtatyldy - Qarjy polıtsııasy
ASTANA. 19 qazan. QazAqparat Jyl basynan beri elimizde jalǵan aqsha jasaıtyn 12 jasyryn tsehtyń qyzmeti toqtatyldy.
Bul týraly búgin Parlament Senatynda «Qylmystardyń aldyn alý jáne quqyq buzýshylyqtar profılaktıkasy: qazirgi jaı-kúıi jáne jetildirý perspektıvalary» taqyrybyna arnalǵan konferentsııa barysynda
Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary Marat Ahmetjanov málim etti. Onyń aıtýynsha, qylmystar qurylymyndaǵy jalǵan aqsha jasaýshylar tarapynan jasalatyn zańsyz áreketter 31 paıyzdy quraıdy. «Sondyqtan da, bul baǵyttaǵy jumystar kúsheıtilip otyr. Máselen, jyl basynan beri jalǵan aqsha jasaýmen aınalysyp kelgen 12 jasyryn tsehtyń áreketteri áshkerelenip, jumysy toqtady. Onyń ishinde on myńdyq jalǵan aqsha kýpıýralaryn bútkil Qazaqstanǵa taratýdyń myńǵa jýyq faktisin jasaǵan qylmystyq top ta quryqtaldy», - deıdi M. Ahmetjanov.
Onyń aıtýynsha, tirkeýge alynǵan jalǵan aqsha jasaýshylar sany sońǵy ýaqytta 11 esege artqan.
