Elimizde zeınetaqynyń ortasha mólsheri 108 993 teńgeni quraıdy

ASTANA. QazAqparat – Bıylǵy 1 qarashada zeınetaqy tólemderiniń ortasha mólsheri (bazalyq zeınetaqy tólemin eskere otyryp) 108 993 teńgeni qurady. Bul týraly Eńbek jáne halyqty áleýmettik qorǵaý mınıstrliginen málem etti, dep habarlaıdy QazAqparat.

Bıylǵy jyldyń 10 aıynda qazaqstandyqtarǵa 2,4 trln teńgeden astam somaǵa zeınetaqy tólendi.

2022 jylǵy qazanda respýblıkalyq bıýdjetten zeınetaqy tólemderine 245,1 mlrd teńge, onyń ishinde bazalyq zeınetaqyny tóleýge – 74,6 mlrdteńge, yntymaqty zeınetaqyny tóleýge 170,5 mlrd teńge bólindi.

1 qarashadaǵy jaǵdaı boıynsha eldegi zeınetkerler sany 2 mln 268 myń adamdy quraıdy. Zeınetaqy tólemderiniń ortasha mólsheri (bazalyq zeınetaqy tólemin eskere otyryp) 108 993 teńge boldy.

Eske salaıyq, 2018 jylǵy 1 shildeden bastap memlekettik bazalyq zeınetaqy tólemi zeınetaqy júıesindegi ótilin eskere otyryp, ár alýshyǵa jeke taǵaıyndalady.

Bul rette 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalary tólengen kezeńder zeınetaqy júıesindegi eńbek ótiline qosylady.