Elimizde zańsyz aınalymnan 65 myńnan actam qorap dári tárkilendi
NUR-SULTAN. QazAqparat – Qazaqstanda zańsyz aınalymnan 65 myńnan actam qorap dárilik preparat, 500 myń medıtsınalyq maska men 36 myń medıtsınalyq buıym tárkilendi, dep habarlaıdy QazAqparat.
QR Іshki ister mınıstri Erlan Turǵymbaev Qazaqstan Prezıdenti Qasym-Jomart Toqaevqa dári-dármekti zańsyz satýdyń jolyn kesý jáne karantın sharalaryn buzý faktileri týraly baıandady .
Dárilik zattar men medıtsınalyq maqsattaǵy buıymdardy zańsyz satýdyń jolyn kesý boıynsha (5 shildeden bastap) ishki ister organdary zańsyz aınalymnan 65 myńnan actam qorap dárilik preparattardy, jarty mıllıon medıtsınalyq maska men 36 myń medıtsınalyq buıymdy tárkilegen. Olar qymbat baǵada satylǵan.
Dári-dármektiń kóp kólemi Nur-Sultan, Almaty, Shymkent, Qaraǵandy jáne Atyraý qalalarynda alyndy.
Sondaı-aq ishki ister organdary dárilik zattardy zańsyz satýdyń 348 faktisiniń jolyn kesti. Polıtsııaǵa 284 adam jetkizildi, onyń 138-si medıtsına salasynyń qyzmetkerleri.
Alynǵan medıtsınalyq preparattar aýmaqtyq densaýlyq saqtaý organdaryna beriledi.
Keńes qorytyndysy boıynsha, Prezıdent ishki ister organdary bul baǵyttaǵy jumysty jalǵastyratynyn, al, kináliler zańnamaǵa sáıkes jazalanatynyn atap ótti. Bul tapsyrmanyń iske asyrylýyn baqylaý QR Prezıdenti Ákimshiliginiń úılestirýmen Qaýipsizdik Keńesiniń Apparatyna júkteldi.
