Elimizde zańsyz aınalymnan 23 tonna esirtki alyndy - Іshki ister mınıstri
ASTANA. 19 qarasha. QazAqparat - Elimizde zańsyz aınalymnan 23 tonna esirtki alyndy. Búgin Májilistegi Úkimet saǵatynda baıandama jasaǵan Іshki ister mınıstri Qalmuhanbet Qasymov osylaı málim etti.
Mınıstrdiń aıtýynsha, esirtkige qarsy kúreste Qazaqstanda eki basty problema bar. Onyń biri aýǵan geroıniniń tranzıtteri bolsa, ekinshisi Shý alqabyndaǵy baza bolyp tabylady.
«Polıtsııa eldiń ishki jaǵyndaǵy esirtkimen kúreske basa nazar aýdaryp keledi. Munyń bir aıǵaǵy, bıyl elimizde 3 myńnan astam esirtki qylmysy tirkeldi. Onyń ishinde esirtki satýdyń 1900 faktisi anyqtaldy. Zańsyz aınalymnan 23 tonna esirtki alyndy. Onyń 107 kelisi geroın»,-dedi Q. Qasymov.
Vedomstvo basshysynyń sózine qaraǵanda, jyl basynan beri 16 arnaıy operatsııa júrgizilgen. Sonyń nátıjesinde esirtki qylmysyn júzege asyrýdyń 60 oqıǵasy boıynsha 9 uıymdasqan qylmystyq top quryqtalǵan. Osy toptardan 800 keli esirtki, onyń ishinde 32 keli geroın tárkilengen.
