Elimizde zańsyz ári qujatsyz júrgen 24 ózbekstandyq ustaldy
ASTANA. 12 sáýir. QazAqparat /Marlan Jıembaı/ - Elimizde zańsyz ári qujatsyz júrgen 24 ózbekstandyq ustaldy. Bul týraly búgin brıfıngte Astana qalalyq ishki ister departamenti memlekettik til jáne aqparat bóliminiń bastyǵy Nurdildá Oraz málim etti.
Onyń atap ótýinshe, aǵymdaǵy jyldyń 11 sáýirinde Astana qalalyq ІІD-niń Uıymdasqan qylmyspen kúres basqarmasy men Kóshi-qon polıtsııasy basqarmasy qyzmetkerleriniń birlesip júrgizgen jedel izdestirý sharalary barysynda elorda aýmaǵyndaǵy qurylys tsehtarynyń birinen Qazaqstan Respýblıkasynda zańsyz jáne tıisti qujattarsyz jumys istep júrgen, osylaısha QR zańnamalaryn buzǵan Ózbekstan Respýblıkasynyń 24 azamaty ustaldy.
«18 azamatqa qatysty quqyqtyq sıpattaǵy sharalar qoldanyp, qalǵandary 10-nan 20 aılyq eseptik kórsetkish kólemindegi aıyppul tóleý sıpatyndaǵy ákimshilik jaýapkershilikke tartyldy, - dedi ol.
N.Orazdyń aıtýyna qaraǵanda, 4 azamattyń jeke basyn kýálandyratyn qujattary bolmaǵandyqtan Astana qalalyq ІІD qabyldap-taratý ornyna qamalǵan. Sondaı-aq taǵy 2 azamattyń elimizdiń aýmaǵynda bolý merzimin qysqartý týraly sheshim qabyldanǵan.
