Elimizde zamanaýı qarý men áskerı tehnıka óndirisiniń jaıy talqylandy

ASTANA. QazAqparat - Astanada QR Qorǵanys mınıstrligi men QR Qorǵanys jáne aeroǵarysh ónerkásibi mınıstrliginiń birlesken keńesi ótti, dep habarlaıdy primeminister.kz.

Kún tártibinde mınıstrlikter arasyndaǵy ári qaraıǵy ózara is-qımyl máseleleri qaralyp, otandyq qorǵanys-ónerkásibi keshenin damytýdyń strategııalyq baǵyttary talqylandy.

Qazaqstan qorǵanys vedomstvosynyń basshysy general-polkovnık S. Jasuzaqov Qorǵanys mınıstrligi otandyq qorǵanys kásiporyndarynyń ónimderi men qyzmetterine negizgi tapsyrys berýshi bolyp tabylatynyn, jáne áskerı ónimdi jetkizip berýdiń sapasy men ýaqytyna armııanyń jaýyngerlik qabilettiligi men jalpy memlekettiń qorǵanys qabilettiligi tikeleı baılanysty ekenin atap ótti.  

QR Qorǵanys mınıstrliginiń habarlaýynsha, keńes barysynda zamanaýı qarý-jaraq pen áskerı tehnıkanyń joǵary tehnologııalyq óndirisin ári qaraı retke keltirý maqsatynda qarý-jaraqtyń negizgi túrlerine tehnıkalyq qyzmet kórsetý jáne jóndeý júıesi boıynsha tujyrymdamalyq usynystar egjeı-tegjeıli pysyqtaldy.