Elimizde World Cleanup Day ekologııalyq aktsııasy uıymdastyrylady

NUR-SULTAN. QazAqparat – 19 qyrkúıekte World Sleanup Day aktsııasy uıymdastyrylady. Bul týraly Úkimet otyrysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Bıyl ekologııalyq mádenıetti arttyrý maqsatynda ekobelsendiler sleti sekildi birqatar is-sharalar ótkizildi. Onda eko-ambassadorlar anyqtaldy. Sondaı-aq, Prezıdenttiń tapsyrmasy boıynsha zańsyz qoqysty joıý jumysy júrgizildi», - dedi mınıstr.

Onyń aıtýynsha, nátıjesinde 7,6 myń zańsyz qoqystyń 5 myńnan astamy joıyldy. Bul jumystar «Birge Taza Qazaqstan» aktsııasy aıasynda jalǵasady.

«Mysaly 19 qyrkúıekte «World Sleanup Day» aktsııasyn uıymdastyrýdy josparlap otyrmyz. Ákimdikterden bizdi qoldaýdy suraımyz. Budan basqa, Memleket basshysynyń tapsyrmasy boıynsha tabıǵatqa zalal keltirgeni úshin zańnama kúsheıtiletin boldy», - dedi Maǵzum Myrzaǵalıev.