Elimizde volonterlik qyzmettiń zańnamalyq bazasy nyǵaıtylady
NUR-SULTAN. QazAqparat – Qazaqstanda volonterlik qyzmettiń zańnamalyq bazasy nyǵaıtylady, dep habarlaıdy QazAqparat tilshisi.
«Joǵaryda aıtylǵan mindetterdiń bárin iske asyrý úshin biz volonterlik qyzmettiń zańnamalyq bazasyn nyǵaıtýdy kózdep otyrmyz. Volonterler – jumysyn tabysty júrgizý úshin óziniń normatıvti-zańnamalyq negizdemesine ıe bolady. Mańyzdy mindetterdiń biri – volonterlerdi daıyndaý úshin trenıngti baǵdarlamalardy ázirleý bolmaq. Turaqty túrde oqytý semınarlary ótkiziledi. Bıyl dástúrli «Zeren» jastar lageri osy taqyrypqa arnalady. Volonterlik ıdeıasy – JOO-larda oqytý baǵdarlamalarynyń elementine aınalady. Bizdiń azamattardyń ıgi jaqsylyqtaryn BAQ pen áleýmettik jeliler arqyly halqymyzǵa jetkizip otyrý kerek», - dedi Memleket basshysy elordadaǵy «Birgemiz» respýblıkalyq front-keńsesiniń ashylý saltanatynda.
Memleket basshysy BAQ-ty aqparat alańynda volonterlik qyzmetti belsendi túrde nasıhattaýǵa shaqyrdy.
Aıta ketsek, Prezıdent Qasym-Jomart Toqaev elordada EKSPO kórmesiniń «Art Hub» pavılonynda ornalasqan volonterlerdiń «Birgemiz» respýblıkalyq front-keńsesiniń ashylý saltanatyna qatysty. Front-keńse búkil Qazaqstannyń volonterleri úshin keńes berý, ádistemelik, oqytý jáne aqparattyq ortalyqqa aınalatyn bolady. Sondaı-aq, ol volonterlik jobalar men oqytý baǵdarlamalaryn úılestirý, monıtorıng jasaý, volonterlikti ilgeriletý boıynsha biryńǵaı aqparattyq saıasatty júrgizedi jáne biryńǵaı Call-ortalyqtyń jumysyn uıymdastyrady.
