Elimizde vırýstyq gepatıtpen kúres aılyǵy ótedi

Salaýatty ómir saltyn qalyptastyrý problemalary ulttyq ortalyǵynyń uıymdastyrýymen ótetin aılyq 28 shilde - Dúnıejúzilik vırýstyq gepatıtpen kúres kúnine oraılastyrylǵan. Bul týraly Densaýlyq saqtaý mınıstrliginiń baspasóz qyzmetinen habarlandy.

Sharanyń maqsaty - vırýstyq gepatıttiń berilý joldarynan, juqtyrý men taralýynan saqtandyrý. Bul rette Dúnıejúzilik vırýstyq gepatıtpen kúres kúni Dúnıejúzilik densaýlyq saqtaý uıymy men onyń seriktesteri jurtshylyqty «únsiz óltirýshi» týraly «taǵy da oılanýǵa» shaqyrady. Elimizdiń barlyq óńirlerinde Ashyq esik kúnderi ótip, beıindi mamandarmen keńes, erte anyqtalǵan vırýstyq gepatıttiń aldyn alý sharalary uıymdastyrylady. Oqytý semınarlary, ásirese kosmetologııalyq qyzmet kórsetetin mekemelerde jetekshi mamandarmen birlesken trenıngter, dóńgelek ústelder, baıqaýlar sekildi vırýstyq gepatıttiń aldyn alý máseleleri boıynsha keń aýqymdy aktsııalar ótkiziletini josparlanǵan.

«Vırýstyq gepatıt - A, V, S, D jáne E gepatıti retinde belgili, olar ınfektsııalyq aýrýlar tobyna jatady jáne sozylmaly baýyr dertin týdyrady. Vırýstar ártúrli jolmen, máselen, A jáne E gepatıti - las taǵam men sý arqyly; V gepatıti - bosaný kezinde anadan balaǵa, baladan balaǵa, ıne salý men qan quıý, jynystyq qatynas arqyly; S gepatıti - negizinen, taza emes qan arqyly jáne D gepatıt - V gepatıtimen aýyrǵanda qosymsha ınfektsııa retinde beriledi», - delingen baspasóz baıanynda.

Toqtala ketetin jaıt, derttiń negizgi indeti V jáne S tıpti gepatıtine tıesili. Búkil álemde V jáne S gepatıti shamamen 500 mıllıon adam úshin sozylmaly aýrýdyń jáne baýyr tsırrozy men obyrynyń basty sebebi bolyp tabylady. Qolda bar málimetter boıynsha olar barlyq baýyr tsırrozynyń 57% oqıǵasynyń jáne bastapqy baýyr obyrynyń 78 paıyzyn týdyryp otyr.