Elimizde vırýsty gepatıtterdiń taralymy áli de seıilmeı tur

Máselen, A gepatıti 85 paıyzdy, B 10-15 paıyzdy, S gepatıti 2 paıyzdy qurap otyr. Bul jaıynda búgin Almaty qalasy Densaýlyq saqtaý basqarmasynyń bólim bastyǵy Álmıra Berdońǵarova «Qazirgi tańdaǵy vırýsty gepatıtterdiń túrlerin zertteý» taqyrybyndaǵy ǵylymı-tájirıbelik konferentsııada aıtty.

Onyń aıtýynsha, gepatıtterdi juqtyrǵan jandarǵa dıagnoz qoıý máselesi qıynǵa soǵyp otyr. «Naýqastardy tekserip, naqty dıagnoz qoıý úshin olardyń qanyn túbegeıli zertteıtin sońǵy, ozyq úlgidegi qural-jabdyqtar men kompıýterlik tomagrafııany qajet etedi. Tek naqty dıagnoz qoıylǵannan keıin ǵana sapaly em qabyldaý túrleri taǵaıyndalady», -deıdi

Atalǵan shara Qazaqstandyq INVIVO JShS zerthanasy men amerıkandyq Abbott GmbH& Co kompanııasynyń uıymdastyrýymen ótip otyr.

«Bul sharanyń maqsaty - zerthanalyq dıagnostıka salasyndaǵy dárigerlik mamandaný dárejesin joǵarylatý, kóptep taralǵan gepatıtterdiń túrleri men olardyń taralý joldaryn zertteýdi jetildirý máselesin keńinen talqylaý», -deıdi INVIVO JShS-niń dırektory Nurbek Toıshybaev.

Shara barysynda elimizdiń ár túkipirinen kelgen gepatıtke qarsy kúrespen aınalysatyn dárigerler men Máskeý jáne Sank-Peterbýrg qalasynyń mamandary «Ko-ınfektsııalar: vırýsty gepatıt jáne JQTB», «Balalar arasynda keń taralǵan vırýsty gepatıt túrleri», Júktilik jáne vırýsty gıpatıt» syndy taqyryptardy qarastyryp, baıandamalar oqyp talqylady.

N.Toıshybaev atalǵan zerthananyń Qazaqstan aýmaǵynda júıeli túrde jumys istep jatqandyǵyn jáne 45 qyzmet kórsetý pýnkti bar ekendigin aıtady. «Elimizdiń kez-kelgen jerindegi turǵyny jasaǵan analızin áýe kemeleri, poıyz jáne jedeldetilgen joldama arqyly bizge saraptamaǵa jibere alady. Kelip túsken analızdiń qorytyndysyn 3 kúnniń ishinde tolyqtaı bere alamyz. Sonymen qatar tek dárigerler men ǵana emes, naýqastardyń ózimen de tikeleı baılanysqa shyǵa almyz», -deıdi zerthana dırektory.