Elimizde veıp-ónimin kámeletke tolmaǵandarǵa satqany úshin jaýapkershilik kúsheıtilýi múmkin

ASTANA. QazAqparat – Elimizde veıp-ónimin kámeletke tolmaǵnadarǵa satqany úshin jaýapkershilik kúsheıtilýi múmkin. Bul jaıynda Májilis depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» Zań jobasy Parlament Májilisiniń qaraýynda. Zań jobasy aıasynda - Kodekstegi «veıp» jáne «elektrondyq sıgareta» uǵymdaryn bólýge; jıyrma bir jasqa tolmaǵan adamdarǵa temeki men temeki buıymdaryn, onyń ishinde tutynýdyń elektrondyq júıelerin (veıpterdi) jáne olarǵa arnalǵan suıyqtyqtardy satqany úshin ákimshilik jaýapkershilikti kúsheıtýge qatysty túzetýler talqylanyp jatyr», - dep atap ótedi Úkimet basshysy jaýabynda.

Buǵan deıin qazirgi ýaqytta veıp-ónimniń aınalymyna tolyq tyıym salýdy kózdeıtin norma retteýshilik áserge taldaý rásiminen ótip jatqanyn jazǵan edik.