Elimizde «Ýyldyryq» naýqany bastaldy

ASTANA. QazAqparat - Ekologııa jáne tabıǵı resýrstar mınıstrligi bıylǵy 5 sáýir men 5 maýsym aralyǵynda «Ýyldyryq» balyq qorǵaý naýqanyn ótkizedi, – dep habarlaıdy QazAqparat Polisia.kz saıtyna silteme jasap.

Bul is-shara ýyldyryq shashý kezeńinde balyq qorynyń túrlerin saqtaýǵa baǵyttalǵan.

Respýblıkanyń ár oblysynda óńirlik erekshelikterin eskere otyryp tyıymnyń merzimderi belgilengen. Quzyrly memlekettik organdardyń qyzmetkerleri tyıym salynǵan kezde balyq aýlaý, balyq ónimderin zańsyz satyp alý jáne satý, alyp júrý faktilerin anyqtaýǵa nazar aýdarady.

Atalmysh tyıymdy buzǵany úshin zańmen 10 nan 40 AEK kóleminde aıyppul retinde ákimshilik (QR ÁQBtK-niń 383-baby) jáne 3 jylǵa deıin bas bostandyǵynan aıyrý retinde qylmystyq (QR QK-niń 335-baby) jaýapkershilik qarastyrylǵan.

«Іshki ister mınıstrligi azamattardy tabıǵatqa qamqor bolyp, bekitilgen balyq aýlaý qaǵıdalaryn saqtap zańdy buzbaýǵa shaqyrady. Ár óńirdegi tyıym salý merzimderi týraly aqparatpen quzyretti organnyń saıtynan bilýge bolady»,-delingen habarlamada.