Elimizde uıaly baılanys abonenti 17 mıllıonǵa jetti

Bul týraly búgin Kólik jáne baılanys qyzmetkerleri kúni qarsańynda baılanys salasynyń mamandaryn quttyqtaǵan Baılanys jáne aqparat mınıstri Asqar Jumaǵalıev aıtty.

«Elimizde uıaly baılanys abonenti 17 mıllıonǵa, ınternet paıdalanýshylar 4 mıllıonǵa, al bekitilgen baılanysty paıdalanýshylar qatary 3 mıllıon 900 myń adamǵa jetip otyr. Bul bizdiń jumysymyzdyń nátıjesi», dedi mınıstr. Sondaı-aq ol qazirgi ýaqytta elimizdiń barlyq eldi mekenderi telefon jelisimen qamtamasyz etilgendigin atap ótti.

Alqaly jıyn aıasynda A.Jumaǵalıev aqparattandyrý jáne balıanys salasyndaǵy úzdik qyzmeti jáne salanyń damýyna qosqan jeke eńbegi men óndiristi uıymdastyrýdaǵy joǵary kórsetkishteri úshin 95 qyzmetkerdi «Qurmetti baılanysshy» ataǵymen marapattady.

Marapattalǵandardyń qataryna «Qazaqtelekom», «Qazposhta», «Transtelekom», «Kar-Tel», «Altel», «Nursat» syndy kompanııalardyń ókilderi bar. Nazardan tys qalmaǵan 74 baılanys salasynyń ardagerleri de Baılanys jáne aqparat mınıstriniń Qurmet gramotasyn alyp, estelik syılyqtarǵa ıe boldy.

Aıta keteıik, Qazaqstan Respýblıkasynyń Prezıdenti Nursultan Nazarbaevtyń 2003 jylǵy qarashanyń 15-indegi Jarlyǵyna sáıkes, bul kún jyl saıyn tamyzdyń birinshi jeksenbisinde atap ótiledi.