Elimizde ustazdar arasynda jańa baıqaý jarııalandy
«Órleý» biliktilikti arttyrý ulttyq ortalyǵynda aıtylǵandaı, pedagogter vıdeo túrindegi avtorlyq jumysyn myna 12 baǵyttyń biri boıynsha usyna alady:
- mektepke deıingi oqytý jáne tárbıeleý pedagogteri úshin erte saýat
- oqý saýaty
- matematıka saýaty
- jaratylystaný-ǵylymı saýaty
- tsıfrlyq saýat
- medıa-aqparattyq saýat
- qarjy saýaty
- ekologııalyq saýaty
- densaýlyq saqtaý saýaty
- áleýmettik-emotsıonaldy saýat
- mádenıetaralyq saýat
- azamattyq-quqyqtyq saýat.
Konkýrsqa jeke nemese avtorlyq toppen qatysýǵa bolady - toptaǵy qatysýshylar sany 3 adamnan aspaýy tıis.
Muǵalimderdiń kelesi jumystary qabyldanady: dáris, sabaq, praktıkalyq nemese zerthanalyq jumys, semınar, master-klass, sandyq bilim berý resýrsy jáne beıne podkast.
Jumystar qazaq, orys jáne aǵylshyn tilderinde usynylýy múmkin.
Konkýrs qatysýshylary usynatyn beınematerıaldardyń sany shekteýli.
Bir pedagog nemese bir avtorlyq top tek bir baǵytqa qatysýǵa ótinim berip, bir beınematerıal jibere alady.
Konkýrs jumystary jeti krıterıı boıynsha baǵalanady: ózektilik, dáleldilik, pánaralyq ıntegratsııa, ádistemelik qundylyq, ınnovatsııalylyq, sóıleý mádenıeti men sheshendik sheberlik, aýdıo/beıneqatardy berý sapasy.
12 baǵyttyń árqaısysynda bir І oryn, eki ІІ oryn jáne úsh ІІІ oryn beriledi.
Óńirlik jáne respýblıkalyq kezeńderdiń búkil qatysýshylary qatysý sertıfıkaty jáne jeńimpazdar dıplommen marapattalady.
YouTube-ta eń kóp qaralǵan beınematerıal úshin ár baǵyt boıynsha madaqtaý sertıfıkaty qarastyrylǵan.
Konkýrstyń barlyq marapattaý qujattary biliktilik sanatyn berý nemese rastaýda eskeriletini týraly aıta ketken jón.
Konkýrstyń óńirlik kezeńine qatysý ótinimderi myna siltemede qazan aıynyń 10-na deıin qabyldanady.
Qosymsha aqparatty «Órleý» biliktilikti arttyrý ulttyq ortalyǵynyń fılıaldarynda alýǵa bolady.
