Elimizde úsh kúnde 1420 qylmys tirkeldi– Іshki ister mınıstrligi
NUR-SULTAN. QazAqparat – QR Іshki ister mınıstrligi «Quqyqtyq tártip» jedel aldyn alý sharasyn júrgizip, úsh kúnde 1420 qylmystyń tirkelgenin anyqtady, dep habarlaıdy QazAqparat tilshisi.
«Jeltoqsan merekesi qarsańynda el aýmaǵynda «Quqyqtyq tártip» jedel aldyn alý sharasy ótkizildi. Sharaǵa Іshki ister organdarynyń 17 myń qyzmetkeri jáne Ulttyq ulannyń 4 myńnan astam áskerı qyzmetshisi qatysty. Naýqan arqyly úsh kúnde 1 420 qylmys tirkeldi jáne buryn jasalǵan 338 qylmys ashylyp, izdeýde júrgen 80 qylmysker ustaldy», - dedi QR Іshki ister mınıstrliginiń resmı ókili Nurdildá Oraz mınıstrlikte ótken onlaın brıfıngte.
Іshki ister organdarynyń profılaktıkalyq esebinde turǵan 43 myńnan astam adam tekserilip, 335-iniń shekteýlerdi buzǵany anyqtaldy.
Esirtki zattaryn saqtaǵany úshin 93 adam, sýyq jáne atys qarýyn alyp júrgeni úshin – 235 adam ustalǵan.
45 myńnan astam ákimshilik quqyqbuzýshylyq anyqtalǵan, onyń ishinde 4,5 myńnan astam usaq buzaqylyq, 2 300 – tynyshtyqty buzý, 6 myń – spırttik ishimdik ishý nemese qoǵamdyq oryndarda mas bolý tirkelgen.
Kámeletke tolmaǵandarǵa qatysty quqyqbuzýshylyqtardyń da aldyn alýǵa kóńil bólindi.
«6 myńnan astam ata-ana balalardy tárbıeleý boıynsha mindetterin oryndamaǵany úshin jaýapkershilikke tartyldy, kámeletke tolmaǵandardyń túngi ýaqytta óz betterimen júrýine qatysty 2300 jaǵdaı anyqtaldy.
