Elimizde urlyqtyń qaıtalaný faktisi aýyr qylmystar sanatyna engizilýi múmkin
NUR-SULTAN. QazAqparat – Urlyqty aýyzdyqtaý úshin Іshki ister mınıstrligi zańǵa tıisti túzetýlerdi engizýdi usynyp otyr, dep habarlaıdy QazAqparat tilshisi.
«TMD elderiniń tájirıbesi kórsetip otyrǵandaı, máseleni sheshýdiń bir amaly – urlyqtyń qaıtalanǵany úshin jaýapkershilikti kúsheıtý. Mysaly, Ózbekstanda páter urlyǵy qaıtalanǵan jaǵdaıda 8 jyldan 15 jylǵa deıin bas bostandyǵynan aıyrý kózdeledi. Ózbekstanda qaıtalanǵan qylmysqa qanshalyqty aýyr jaza kesiletinin baǵamdap kórińiz. Osyǵan baılanysty mınıstrlik urlyqtyń birneshe márte jasalý belgilerin aýyr qylmystar sanatyna jatqyzýdy kózdeıtin zańǵa tıisti túzetýle engizýge bastamashylyq etti», - dedi ІІM Qylmystyq polıtsııa departamentiniń basqarma bastyǵy Nurjan Rahmetýllaev vedomstvoda ótken baspasóz máslıhatynda.
