Elimizde urlanǵan kólikter qalaı satylady – ІІM
«Búginde eń kóp taralǵan túri lızıng, nesıe jáne avtomobıldi jalǵa alý bolyp otyr. Máselen, sońǵy ýaqytta Reseı Federatsııasymen ózara is-qımyl barysynda mundaı jaǵdaıǵa tap bolatyndar kóbeıip tur. Reseıde alaıaqtar kólikti lızıngke satyp alady da, birinshi aıynda lızıngti nemese nesıeni tóleıdi. Al odan keıin mashınany Qazaqstan aýmaǵyna aıdap kelip, ony bizdiń aýmaqta satyp jiberedi ári bizdiń respýblıkanyń atyna rásimdeıdi», - dedi Qanat Nurmaǵambetov Іshki ister mınıstrligindegi brıfıng barysynda BAQ ókilderiniń saýalyna oraı.
Al Reseıde lızıng kompanııasy nesıe tólenbeı qalǵannan keıin kólikti izdep tappaı qalady.
«Lızıng tólemi toqtaǵannan keıin ǵana álgi kólikke izdeý jarııalanady. Kólikti jalǵa alý kezinde de qylmyskerler dál osyndaı áreketke baryp júrgeni belgili boldy», - dedi ol.
