Elimizde ulttyq jobalardy oryndaý úshin kelisimshart boıynsha jumyskerlerdi tartý qaǵıdalary aıqyndalmaq

ASTANA. QazAqparat – Jibek Joly telearnasyndaǵy «Jańa ýaqyt» baǵdarlamasyna suhbat bergen Memlekettik qyzmet isteri agenttigi tóraǵasynyń orynbasary Azamat Jolmanov kelisimshart boıynsha qyzmetkerler ınstıtýtynyń memlekettik qyzmetshilerden qandaı aıyrmashylyǵy bar ekenin túsindirdi, dep habarlaıdy QazAqparat tilshisi.

«Eń aldymen jeke sektordan memlekettik qyzmetke kelgen adam memlekettik qyzmetshi mártebesin alatynyn túsiný kerek. ıAǵnı, eger ol departament dırektorynyń laýazymyna ornalassa, onda ol barlyq quqyǵy, mindetteri, jaýapkershiligi jáne tıisti jeńildikteri bar memlekettik qyzmetker sanalady. Kelisimshart boıynsha eńbek etetin qyzmetkerler - bul basqa ınstıtýt. Ol memlekettik qyzmetshi bolyp eseptelmeıdi. Ol Úkimet aıqyndaıtyn belgili bir ulttyq nemese ózge de jobany iske asyrý úshin ǵana bir jylǵa tartylady», - dedi Azamat Jolmanov.

Onyń aıtýynsha, mundaı jobalardy iske asyrý úshin memlekettik qyzmetke kelisimshart boıynsha jumyskerlerdi tartý erejesi Úkimet qaýlysymen bekitiledi. Qazir atalǵan joba memlekettik organdarmen kelisilip jatyr.

«Bizde ártúrli qajettilikter bar ekenin túsiný kerek. Mysaly, gıdromelıoratsııamen baılanysty joba. Onda tehnıkalyq-ekonomıkalyq negizdeme, tehnıkalyq tapsyrma jazý qajet. Degenmen memlekettik organdarda bul taqyrypty tereń túsinetin mamandar joq. Eger buryn qandaı da bir batystyq konsaltıngtik kompanııany tartý nemese memlekettik satyp alýdy júrgizý qajet bolsa, endi biz munyń bárin jeńildettik. Memlekettik organ endi mundaı qyzmet salasyn biletin Qazaqstan azamatyn taba alady. 30 jyl ishinde ártúrli máseleler boıynsha kásibı mamandardyń úlken pýly qalyptasty. ıAǵnı kásibı maman taýyp, onymen kelisimshart jasasady. Tıisinshe ol adam memlekettik organǵa ári qaraı jobalyq qujattamany jasaýǵa tolyq járdem kórsetedi», - dep túıindedi Azamat Jolmanov.