Elimizde «Ulttyq taýar jetkizýshi júıesi» qurylady
«Aýyldardyń áleýetin barynsha júzege asyrý, aýyl turǵyndarynyń ómir jaǵdaıyn jaqsartý maqsatynda aýyl sharýashylyǵyn jáne aýyl ınfraqurylymyn damytýǵa baǵyttalǵan is júzindegi sharalar kesheni júzege asyrylatyn bolady. Strategııalyq ınvestorlardyń qatysýymen 350 myń fermelerlik jáne úı sharýashylyǵyn jumyldyrý arqyly aýyl sharýashylyǵy ónimderin óndirý jáne óńdeý boıynsha 7 iri ekojúıe qurylady», - dedi Úkimet basshysy «Nur Otan» partııasynyń «Ózgerister joly: ár azamatqa laıyqty ómir!» Saılaý baǵdarlamasyn oryndaýdyń Jol kartasyn talqylaý barysynda.
Onyń atap ótýinshe, 2021-2025 jyldary kezeńinde «Ulttyq taýar jetkizýshi júıesin» qurý maqsatynda aýyl sharýashylyǵy ónimderin saqtaý jáne satý boıynsha 24 kóterme taratý ortalyǵy salynady. Agroónerkásipkesheni ónimderiniń eksport kólemi 2 esege artady.
«Árbir tirek aýyldyń jergilikti joldarynyń 95 paıyzy jóndeledi. 2025 jylǵa qaraı barlyq qala men aýyl sýmen jabdyqtaý qyzmetimen qamtamasyz etiledi», - dedi Asqar Mamın.