Elimizde úlestik qurylyspen salynyp jatqan 87 nysan bar - Serik Nokın
ASTANA. 9 qarasha. QazAqparat /Rýslan Ǵabbasov/ - Elimizde úlestik qurylyspen salynyp jatqan 87 nysan bar. Bul týraly búgin Astanada ótken «Qazaqstandaǵy qol jetimdi turǵyn úı - qol jetimdi ıpoteka: qalpyna keltirý baǵyttary» taqyrybyndaǵy dóńgelek ústelde QR Qurylys jáne turǵyn úı -kommýnaldyq sharýashylyq isteri agenttiginiń tóraǵasy Serik Nokın málim etti.
Agenttik basshysynyń sózine qaraǵanda, 2010 jylǵy 1 qazandaǵy jaǵdaı boıynsha jelilik kestege sáıkes 19 myń 354 úleskeri bar 87 nysannnyń qurylysyn aıaqtaý kerek. Onyń ishinde Astanada - 42, Almatyda - 26, sondaı-aq basqa da óńirlerde - 19 nysannyń qurylysyn jalǵastyrý qajet. Aıta keteıik, 2007 jyldyń tórtinshi toqsanynda elimizde 63 myń úleskerdiń qatysýymen 450 turǵyn úı kesheni salynyp jatqan edi.
«Qarjy daǵdarysy kezeńinde Úkimet úleskerler máselesin sheshýge 518,7 mlrd. teńgeni baǵyttady»,-dep túıindedi sózin S. Nokın.
