Elimizde ýchaskelik polıtsııa qyzmetkerleri jetispeıdi - ІІM
ASTANA. 19 qarasha. QazAqparat - Elimizde ýchaskelik polıtsııa qyzmetkerleri jetispeıdi. Búgin Parlament Májilisinde ótken Úkimet saǵtynda baıandama jasaǵan Іshki ister mınıstri Qalmuhanbet Qasymov osylaı málim etti.
«Polıtsııanyń ýchaskelik ınspektory - bul qylmystyń aldyn alýdaǵy basty tulǵa. Ýchaskelik polıtseımen kóp nárse atqarylady. Olardyń qatysýymen júzdegen qylmystar ashylyp, kóptegen ákimshilik quqyq buzýshylyqtarǵa tosqaýyldar qoıylady. Degenmen, osy qyzmettiń áleýeti áli de tolyq ıgerilip jatqan joq», - deıdi Q. Qasymov.
Onyń aıtýyna qaraǵanda, ýchaskelik polıtseılerdiń sottalýshylarmen profılaktıkalyq jumystaryn áli de tıimdi etý qajet. Jaısyz otbasylardan keletin oqys oıǵalardyń aldyn alýda da olqylyqtar barshylyq.
«Búgingi tańda ýchaskelik polıtseıler qylmys jasaýǵa beıim 18 myńnan astam tulǵamen jumys istep jatyr. Aıtaıyn degenim, bizde ýchaskelik polıtsııa qyzmetkerleri jetkiliksiz. Ony qalypty deńgeıge jetkizý úshin elimizde 733 ýchaskelik polıtsııa, 2830 olardyń kómekshileri qajet. Sonymen qatar, qalalar men eldi mekenderde 385 ýchaskelik pýnktter ashylýy kerek», -dedi mınıstr.
