Elimizde UBT-ǵa qatysatyndar sany artyp otyr

Bul týraly búgin Bilim jáne ǵylym vıtse-mınıstri Serik Yrsalıev jýrnalıstermen bolǵan baspasóz máslıhatynda aıtty.

Onyń sózine qaraǵanda, 2005 jyldan bastap elimizde UBT-ǵa qatysqysy keletin balalar sany kemip kelgen bolatyn. Alaıda bıylǵy jylǵy kórsetkishter UBT-ǵa qatysam deýshilerdiń kerisinshe artyp otyrǵandyǵyn kórsetti. «Bıylǵy 129 myń mektep túlegi, ıaǵnı jalpy túlekterdiń 81 paıyzy UBT tapsyrýǵa nıetti ekendikterin bildirdi. Ótken jyly bul kórsetkish 79 paıyz bolatyn. Bizdi sondaı-aq UBT-ǵa qatysýshylardyń ózderi tańdaǵan mamandyqtary boıynsha, pán tańdaý kórsetkishteri de qýantyp otyr»,-dedi vıtse-mınıstr.

Onyń aıtýynsha, UBT iske qosylǵannan keıingi 4 jylda túlekter 4-shi pán retinde geografııany tańdaıtyn. ıAǵnı túlekterdiń kóbi gýmanıtarlyq mamandyq ıeleri atanǵysy keletin. «Al sońǵy 4 jylda búl úderis ózgere bastady. ıAǵnı búgingi jastar 4-shi pán retinde fızıka, bıologııa nemese hımııa pánderine yqylas tanytyp otyr. Bul mektep túlekteriniń basym bóligi tehnıkalyq mamandyq ıesi atanýdy durys dep taýyp otyr degendi bildiredi. Buǵan memleket tarapynan bólinetin granttardyń kóbin tehnıkalyq salaǵa baǵyttaý sharasynyń aıtarlyqtaı yqpal etkendigin aıta ketý kerek», - deıdi mınıstrdiń orynbasary.