Elimizde tyńaıtqyshtardy shet memleketterge shyǵarýǵa shekteý qoıylmaq

ASTANA. QazAqparat – Elimizdiń aýmaǵynan kólikpen tyńaıtqyshtardy áketýge jarty jylǵa tyıym salynýy yqtımal. Bul týraly Indýstrııa jáne ınfraqurylymdyq damý mınıstrligine qarasty Indýstrııalyq damý komıteti ashyq talqyǵa shyǵarǵan buıryq jobasynda jazylǵan, dep habarlaıdy QazAqparat tilshisi.

«Qazaqstan Respýblıkasynyń aýmaǵynan ammonıı nıtraty men ammofosty avtomobıl kóligimen áketýge 6 aı merzimge tyıym salynsyn», - delingen qujatta.

Salynýy múmkin eksporttyq shekteýdi iske asyrý men qadaǵalaý Indýstrııalyq damý komıteti, Memlekettik kirister komıteti men Ulttyq qaýipsizdik komıtetiniń Shekara qyzmetine júkteledi.

Buıryq jobasy 17 naýryzǵa deıin kópshiliktiń talqylaýynda bolady.

Qosa keteıik, buǵan deıin elimizden iri qara men usaq maldy áketýge tyıym salý josparlanyp otyrǵanyn habarlap edik.

Buǵan qosa, el aýmaǵynan kólikpen kómir áketýge jarty jylǵa shekteý qoıylady.