Elimizde tústi metall óndirisi ulǵaıdy

ASTANA. QazAqparat – 2022 jylydń 9 aıynda óńdeýshi ónerkásiptiń jıyntyq kórsetkish 104,6 paıyzdy qurady. Bul týraly Úkimet otyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

2022 jyldyń toǵyz aıdyń qorytyndysy boıynsha óńdeýshi ónerkásipte oń úrdis baıqalyp, jıyntyq kórsetkish 104,6 paıyzdy qurady. Mashına jasaý salasynda 7,6 paıyz deńgeıinde turaqty ósimdi kórsetip otyr. Avtokólik quraldaryn, treılerler men jartylaı tirkemelerdi shyǵarý, kompıýterler, elektrondyq jáne optıkalyq jabdyqtar óndirisi, elektr jabdyqtary óndirisi, basqa toptamalarǵa engizilmegen mashınalar men jabdyqtar óndirisi, mashınalar men jabdyqtardy jóndeý jáne ornatý artty», - dedi mınıstr.

Onyń dereginshe, tústi metallýrgııada naqty kólem ındeksi 108,1 paıyzdy qurady.

«Tazartylǵan mys, quıma altyn, túıirshikterdegi kúmis, tazartylǵan qorǵanys, katodty mys jáne tazartylǵan altyn shyǵarý kólemi ulǵaıdy. Qara metallýrgııada naqty kólem ındeksi 100 paıyzdy qurady. Ferrosılıtsıı, armatýralyq ılek, relster, fason prokaty, bolat qubyrlary jáne ferroqorytpalar óndiristeriniń kólemi ósti», - dedi Qaıyrbek Óskenbaev.

Mınıstrdiń atap ótýinshe, jeńil ónerkásipte óndiris 10,2 paıyzǵa ósti. Oǵan toqyma buıymdary, kıim jáne bylǵary ónimder óndirisiniń ósýi oń áser etti.

«Hımııa ónerkásibinde óndiris kólemi 10,7 paıyzǵa artty. Azyqtyq fosfattyń trıkaltsııi men ammofos kólemi ósti», - dedi ol.