Elimizde turmystyq qaldyqqa arnalǵan jańa 24 polıgon salynady
NUR-SULTAN. QazAqparat - Búgin Senat tóraǵasy Máýlen Áshimbaevtyń tóraǵalyq etýimen Senat janyndaǵy Jas sarapshylar klýbynyń otyrysy boldy. Tórtinshi márte ótip otyrǵan kezdesýdiń basty taqyryby ekologııa, tabıǵı resýrstardy utymdy paıdalaný jáne turaqty damý máselelerine arnaldy, dep habarlaıdy QazAqparat.
Senat baspasóz qyzmetiniń málimetinshe, otyrysty ashqan M. Áshimbaev elimizdiń aldynda búkil álemge tán ekologııalyq qaýip-qaterler: klımattyń ózgerýi, jerdiń shóleıttenýi men tozýy, bıoalýantúrliliktiń joǵalýy, topyraq erozııasy, aýa men sýdyń lastanýy turǵanyn atap ótti. Sondaı-aq ruqsat etilmegen qoqys úıindileri, ónerkásip qaldyqtaryn kádege jaratý, erekshe tabıǵı nysandardyń ekojúıesin qalpyna keltirý jáne saqtaý problemalary da mańyzdy bolyp otyr.
«Ekologııalyq problemalardy memlekettiń qatysýymen ǵana sheshý múmkin emes ekeni anyq. Azamattyq sektor, ÚEU, bıznes, janashyr jandar men eriktiler tarapynan da belsendi is-qımyl qajet bolady. Halyq arasynda ekologııalyq oılaý men qorshaǵan ortaǵa jaýapkershilikpen qaraýdy damytý qajet. Sondaı-aq tıimdi zańdar da kerek. Bul turǵyda ótken jyldyń sońynda elimiz Prezıdentiniń bastamasy boıynsha Parlament qabyldaǵan Ekologııalyq kodekstiń mańyzy zor. Ondaǵy normalardyń arqasynda qorshaǵan ortany qorǵaý salasynda jańa erejeler jasalady. Eń aldymen, kodeks arqyly «lastaýshy tóleıdi jáne túzetedi» qaǵıdaty iske asady. Bul lastaýshylarǵa aıyppul tólemderiniń mólsherin birneshe ret arttyrýdy da, olar keltirgen zalaldy joıý úshin qajetti sharalar qabyldaýdy da bildiredi», - dep atap ótti M. Áshimbaev.
Óz kezeginde Ekologııa, geologııa jáne tabıǵı resýrstar mınıstri Maǵzum Myrzaǵalıev atmosferadaǵy aýanyń sapasy men qatty turmystyq qaldyqtardy óńdeý deńgeıiniń tómendigi ekologııalyq kún tártibindegi birinshi kezektegi másele ekenin atap ótti. Atmosferaǵa shyǵaryndy kólemi óse túsýde: 2020 jyly olar 2,57 mln tonnany qurady, bul 2019 jylmen salystyrǵanda (2,51 mln tonna) kóp. Sondaı-aq sý resýrstaryn únemdeý salasynda ınfraqurylymnyń eskirýi, kóptegen sýdyń ysyrap bolýy, sý únemdeýge yntalandyrýdyń jetkiliksizdigi problemalary oryn alyp otyr.
«Ekologııalyq problemalardy sheshý úshin 2025 jylǵa deıin ekologııalyq jaǵdaıdy jaqsartý jónindegi jol kartalary jasaldy, olar qatty turmystyq qaldyqtarǵa arnalǵan jańa 24 polıgon salýdy, lastanǵan jerlerdi qalpyna keltirýdi jáne joıýdy, jańa 7 káriz-tazartý qurylystaryn salýdy jáne 12 qurylysty qaıta jańartýdy, sondaı-aq 2050 jylǵa deıingi tómen kómirtekti damý tujyrymdamasyn ázirleýdi kózdeıdi», - dep atap ótti M. Myrzaǵalıev.
Jas sarapshylar klýbynyń otyrysy barysynda pikirtalasqa qatysýshylar ekologııalyq problemalardy sheshýge, tabıǵı resýrstardy únemdeýge jáne turaqty damýǵa qatysty óz pikirleri men usynystarymen bólisti.
Ulttyq bıotehnologııalar ortalyǵyndaǵy Adam genetıkasy zerthanasynyń meńgerýshisi Maqsat Jabaǵın Qazaqstannyń sırek kezdesetin jáne joıylyp bara jatqan flora men faýna túrlerin saqtaý úshin bıoalýantúrliliktiń ulttyq bıobankin qurýdy usyndy. «Ekonomıkalyq zertteýler ınstıtýty» AQ makroekonomıkalyq taldaý jáne boljamdaý ortalyǵy dırektorynyń orynbasary Ernar Serik ınvestorlardy tartý arqyly Qazaqstan aýmaǵynyń shóleıttený problemasyn sheshý joldary týraly oıymen bólisti.
