Elimizde túrmelerge sálemdeme jiberý toqtatylýy múmkin - QR ІІM
ASTANA. 7 qarasha. QazAqparat - Qazaqstanda túrmelerge sálemdeme jiberý toqtatylýy múmkin. Bul týraly búgin Parlament Májilisinde jańa redaktsııadaǵy Qylmystyq-atqarý kodeksiniń tanystyrylymy barysynda Іshki ister vıtse-mınıstri Amantaı Kúreńbekov málim etti.
Vıtse-mınıstrdiń aıtýynsha, sottalǵandardyń atyna sálemdemeler jiberýdi toqtatýmen qatar, túzeý mekemelerindegi dúkenderden qajetti buıymdar men azyq-túlik alýǵa arnalǵan aılyq eseptik kórsetkish kólemin ósirý josparlanyp otyr.
«Mekemelerdiń aýmaǵynda aqshanyń mundaı resmı aınalymy joq, biraq olardyń barlyǵynyń qolynda kartochkalar bar. Olar dúkenderden kartochkalar arqyly azyq-túlik, birinshi kezektegi qajetti zattardy satyp alady. Al sálemdemeler, birinshiden, tyıym salynǵan zattardyń túrmelerge ótýine jol ashady. Ekinshiden, kamerada saqtaýǵa múmkin bolmaıtyn azyq-túlikter de keledi. Úshinshiden, sálemdemelerdi jınaý jáne jiberý kartochkaǵa aqsha aýdarýǵa qaraǵanda qıyndaý», - dedi A. Kúreńbaev.
