Elimizde túrkııalyq jetekshi oqý oryndarynyń fılıaldary ashylady

ASTANA. QazAqparat – Túrkııanyń Syrtqy ister mınıstri Hakan Fıdanmen kezdesken QR Syrtqy ister mınıstri Murat Nurtileý eki el arasyndaǵy mádenı-gýmanıtarlyq yntymaqtastyq baǵytyndaǵy jobalardy tanystyrdy, dep habarlaıdy QazAqparat tilshisi.

«Tarıhy, tili jáne qundylyqtary bir elderimizdiń mádenı-gýmanıtarlyq baılanystardy kúsheıtip, naqty is-sharalar ótkizý mańyzdylyǵyn atap óttik. Túrkııanyń jetekshi ýnıversıtetteriniń fılıaldaryn Qazaqstanda ashý máselesi pysyqtalýda. Qos dıplom baǵdarlamalaryn iske asyrý boıynsha Túrkııa joǵary oqý oryndarymen tıimdi ózara is-qımyl jasalýda», - dep kelissózder nátıjesimen bólisti Murat Nurtileý.

Vedomstvo basshynyń aıtýynsha, Túrkııada oqıtyn stýdentter sany sońǵy úsh jylda 2900-den 8200-ge deıin ósken.

Sonymen qatar vedomstvo basshysy qarashada Túrkistan qalasynda ótetin Túrki memleketteriniń mereıtoılyq 10-shy sammıtine qatysý úshin Túrkııa Prezıdenti Rejep Taııp Erdoǵan keletinin atap ótti.

Buǵan qosa, mınıstr atap ótkendeı, bıyl 7 aıda Qazaqstan men Túrkııa arasyndaǵy saýda aınalymy 3,6 mldr dollarǵa jetti.