Elimizde turǵyn úı satyp alý-satý mámileleri 12 paıyzǵa artty
ASTANA. 13 shilde. QazAqparat - Elimizde turǵyn úı satyp alý-satý mámileleri 12 paıyzǵa artty. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.
«2012 jylǵy maýsymda turǵyn úıdi satyp alý-satýdyń tirkelgen mámileleriniń sany 14939 qurap, ótken aımen salystyrǵanda 7 paıyzǵa ósti. Al qańtar-maýsymda turǵyn úıdi satyp alý-satý mámileleriniń sany 2011 jyldyń sáıkes kzeńimen salystyrǵanda 12 paıyzǵa artty», - dedi ol.
Agenttik usynǵan aqparatqa sáıkes, jyljymaıtyn múlik naryǵyndaǵy kóshbasshylyqqa Almaty qalasy ıelenip otyr. Bul qalada 1915 turǵyn úı saýda-sattyǵynyń mámilesi jasalǵan. Odan keıingi oryndarǵa Shyǵys Qazaqstan oblysy (1761) men Qaraǵandy oblysy (1715) jaıǵasqan. Al elordada 1025 turǵyn úı satyp alý-satý mámilesi jasaldy.
