Elimizde turǵyn úı naryǵyndaǵy baǵa qalaı ózgerdi
NUR-SULTAN. QazAqparat - 2020 jyldyń naýryzynda jańa turǵyn úılerdi satý baǵasy 0,1 paıyzǵa ósti. Bul týraly QR UEM Statıstıka komıtetinen málim etti, dep habarlaıdy QazAqparat.
«2020 jylǵy naýryzda ótken aımen salystyrǵanda abattandyrylǵan jáne abattandyrylmaǵan turǵyn úılerdi qaıta satý baǵasy 0,3, jańa turǵyn úılerdi satý 0,1 paıyzǵa ósti. Abattandyrylǵan turǵyn úıdi jalǵa alý tólemi 1,6 paıyz joǵary boldy», - delingen komıtet aqparatynda.
Vedomstvo málimetinshe, naýryzda jańa turǵyn úılerdiń bir sharshy metri 297 170 teńgeni qurasa, abattandyrylǵan turǵyn úılerdi alyp satý sharshy metri 206 072 teńge bolǵan. Al abattandyrylmaǵan turǵyn úılerdiń bir sharshy metriniń satylym baǵasy 128 097 teńgeni qurady.
