Elimizde turǵyn úı qoryn basqaratyn biryńǵaı operator qurylady

NUR-SULTAN. QazAqparat – Qazaqstanda turǵyn úı qoryn basqaratyn Turǵyn úı qurylysynyń biryńǵaı operatory qurylady. Bul týraly Úkimet otyrysynda turǵyn úı saıasatynyń jańa tásilderin jarııalaǵan QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Jaldaý aqysyn sýbsıdııalaý tetigin iske asyrý úshin «Otbasy banki» ókiletin kúsheıtý usynylady. Bul mehanızmde, sondaı-aq, jalǵa beriletin turǵyn úı pýldaryn qalyptastyratyn, turǵyn úı qoryn basqaratyn jáne jalǵa alýshylarmen shart jasaıtyn Turǵyn úı qurylysynyń biryńǵaı operatoryn iske qosý usynylady», - dedi Beıbit Atamqulov.

Sonymen qatar ol jeke turǵyn úı qorynyń jaldaý aqysynan 21 aılyq eseptik kórsetkish mólsherinde jalǵa alýdy sýbsıdııalaý usynylyp otyrǵandyǵyn aıtty.