Elimizde turǵyn úı-kommýnaldyq sharýashylyq týraly zań jobasy ázirlenýde
Jańa zań jobasynda usynylyp otyrǵan negizgi másele - «bir úı - bir múlik menshik ıeleri birlestigi - bir esepshot» qaǵıdasy boıynsha kóppáterli turǵyn úılerdi basqarýdyń jańa formasyn qurý.
«Atalǵan zań jobasyn keshendi túrde qarastyrýdamyz, óıtkeni bul salada júıeli túrde qarastyratyn máseleler jetkilikti. Bir ǵana mysal, halyqty jıi mazalaıtyn PIK máselesi. Turǵyndar, biz aı saıyn tıisti aqshany tólep jatyrmyz, nege durys jumys istemeıdi dep jıi suraq qoıady. Sondyqtan jańa zań jobasyn qarastyrýda biz onyń jumysyna turǵyn úı quqyqtyq qatynastarynyń barlyq ókilderin qatystyrýdamyz. Olardyń qatarynda «Atameken» UKP, táýelsiz qaýymdastyqtar, páterler men úı-jaılar ıeleri, úı-jaılar respýblıkalyq qaýymdastyǵy jáne ınnovatsııalyq kompanııalardyń ókilderi jáne taǵy basqalar bar», - dedi QR Investıtsııalar jáne damý vıtse-mınıstri Qaıyrbek Óskenbaev OKQ-de ótken baspasóz máslıhatynda.
Jańa zań jobasy boıynsha búginde elimizdiń ár óńirinde pılottyq joba iske qosylǵan. Qazirgi ýaqytta oǵan qatysý úshin el boıynsha 190 kóppáterli turǵyn úı, 28 PIK jáne 51 tabıǵı monopolııa sýbektileri iriktelip alyndy.
Budan bólek, zań jobasynda jergilikti atqarýshy organdarǵa qalaǵa biryńǵaı sáýlettik kórinis berý úshin jergilikti bıýdjetten qasbetter men shatyrlardy jóndeýge, sý basý aımaqtaryndaǵy turǵyn úılerdiń beriktigin jaqsartýǵa, qaıtarymdy negizde múliktiń menshik ıeleri birlestigi qatysýshylarynyń shyǵyndaryn óteý arqyly jergilikti bıýdjet esebinen lıftilerdi aýystyrý jáne jóndeý jumystary boıynsha qosymsha ókilettikter berý kózdelgen.
«Zań jobasynda jergilikti organdarǵa óńirge, halyqtyń turmys deńgeıine, aımaqtaǵy ortasha jalaqyǵa jáne kóppáterli turǵyn úılerdiń konstrýktıvti jobalaý erekshelikterine baılanysty paıdalaný shyǵyndarynyń eń tómengi mólsherin belgileý quzyreti berý kózdelgen», - deıdi vıtse-mınıstr.
Sondaı-aq, onyń aıtýynsha jańa zań jobasynda turǵyn emes úı-jaılardyń menshik ıeleriniń de ortaq múlikti kútip ustaýǵa baılanysty barlyq ortaq shyǵyndarǵa qatysýy qarastyrylǵan.
Eske salsaq, buǵan deıin QR Investıtsııalar jáne damý mınıstri J.Qasymbek elimizde TÚKSh salasyn jan-jaqty qoldaý úshin reformalar júrgizilip jatqanyn aıtqan bolatyn.
