Elimizde turǵyn úı - kommýnaldyq sharýashylyq salasyndaǵy úzdik jobalarǵa konkýrs bastaldy
ASTANA. Maýsymnyń 2-si. QazAqparat /Aıdar Ospanalıev/ - Búgin elimizde «Turǵyn úı - kommýnaldyq sharýashylyǵy salasyndaǵy energııa jáne energııa saqtaýshy jobalardyń respýblıkalyq konkýrsy bastaldy,
dep habarlaıdy QazAqparat.
Atalmysh máselege baılanysty ótken baspasóz máslıhatynda málim bolǵanyndaı, «Qazaqstannyń turǵyn úı - kommýnaldyq sharýashylyǵyn jańǵyrtý men damytý ortalyǵy» aktsıonerlik qoǵamy bastamashy bolyp otyrǵan atalmysh baıqaý elimizde alǵash uıymdastyrylýda. Konkýrstyń basty maqsaty turǵyn úı jáne kommýnaldyq sharýashylyǵy salasyndaǵy negizgi ózekti máselelerdi anyqtap, onymen halyqty tanystyryp, máseleniń sheshilý joldaryn qarastyrý.
«Qazaqstannyń turǵyn úı -kommýnaldyq sharýashylyǵyn jańǵyrtý men damytý ortalyǵy» aktsıonerlik qoǵamy Basqarma tóraǵasynyń orynbasary Damır Egizbaevtyń aıtýynsha, atalmysh sharaǵa zańdy jáne jeke tulǵalar qatysa alady. Baıqaýdyń basty baǵyttary negizinen gaz, lıft sharýashylyǵy jáne turǵyn úı -kommýnaldyq qyzmettiń ózge de salalary. Konkýrs búginnen bastap ashyq dep jarııalanady jáne ol aldaǵy ýaqytta jyl saıyn uıymdastyrylyp otyrady. Baıqaý basty 6 atalymnan turady. Onyń birinshisi jylýmen qamtamasyz etý, ekinshisi sýmen qamtamasyz etý jáne sý tartý, úshinshisi qaldyqtardy kádege asyrý, tórtinshisi gazben, elektrmen qamtamasyz etý jáne lıft sharýashalyǵy. Besinshisi turǵyn úı qoryn basqarý, altynshysy turǵyn úı -kommýnaldyq sharýashylyǵyn keshendi damytý dep atalady. Konkýrs eki kezeńnen turady. «Bıylǵy jyldyń shilde aıynyń 15-ine deıin arnaıy qurylǵan saraptamalyq keńes ár atalym boıynsha 3 úzdik eńbekti tańdap alady. Olar ózderiniń bıznes josparlaryn jasap, onymen kópshilikti tanystyrady. Tańdap alynǵan úzdik úsh eńbek baıqaýdyń aqtyq synynyń qatysýshylary bolyp tabylady da olar qundy syılyqtarmen marapattalady. Baıqaýdyń jeńimpazdary tamyzdyń 4-inde anyqtalady», dedi Basqarma tóraǵasynyń orynbasary.
