Elimizde tuńǵysh ret respýblıkalyq ımamdar forýmy ótedi
ASTANA. QazAqparat - Astanada 19 aqpan kúni tuńǵysh ret «Islam - beıbitshilik pen kelisim dini» taqyrybynda І respýblıkalyq ımamdar forýmy ótedi. Bul týraly muftyat.kz saıty habarlady.
Saıttyń jazýynsha, Qazaqstan musylmandary dinı basqarmasy ótkizetin respýblıkalyq ımamdar forýmyna elimiz boıynsha 500-ge jýyq ókil ımamdar men aýdan, aýyl moldalary qatysady.
Atalmysh shara barysynda elimizdiń qoǵam jáne memleket qaıratkerleri, atap aıtqanda, Bas múftı Erjan qajy Malǵajyuly, qoǵam qaıratkeri Myrzataı Joldasbekov, respýblıkalyq ardagerler uıymynyń tóraǵasy Ómirzaq Ozǵanbaev syndy tanymal tulǵalar qatysyp, baıandama jasaıdy.
Forýmda din salasyndaǵy ózekti máseleler qozǵalyp, olardy eńserý joldary talqylanady. Forým jumysynyń basty maqsaty - «Qazaqstan musylmandarynyń tuǵyrnamasy», «Shynaıy musylmannyń tulǵalyq kelbeti», «Imamnyń tulǵalyq beınesi» jáne «Din qyzmetkeriniń qyzmettik etıkasy» sııaqty mańyzdy qujattar qabyldanady dep kútilýde.
