Elimizde tuńǵysh ret plastıkalyq shólmekterden jasalǵan shyrsha qoıyldy
ATY. 27 jeltoqsan. QazAqparat /Názıra Eleýhan/- Almatyda erekshe jańajyldyq shyrsha paıda boldy. Uzyndyǵy 3 metrlik shyrsha túgelimen plastıkalyq shólmekterden jasalynǵan. Mundaı týyndy tuńǵysh ret elimizde qoıylyp otyr.
Mundaı ózge shyrshalarǵa uqsamaıtyn syılyqty almatylyqtar men Almaty qonaqtaryna otandyq mıneraldy sýsyn men shyryndardy shyǵaratyn "Ásem-Aı Saryaǵash"óndiristik kompanııa toby daıyndaǵan eken.
Shyrsha atalmysh kompanııadan shyǵatyn "Ásem-Aı Saryaǵash", «ARTEZIA ASEMAI» jáne lımonad sýsyndarynyń shólmekterinen jasalǵan. Oǵan barlyǵy myń shólmek ketken. Qazir bul erekshe shyrsha Arbatqa qoıylǵan.
"Biz qala turǵyndaryna Jańa jylda qandaı qýanysh syılasaq dep uzaq oılandyq. Sońynda osy sheshimge keldik, bul týyndymyz laıyqty baǵalanady dep oılaımyz. Mundaı shyrshaǵa uqsaıtyn shyrsha bizdiń elimizde bolǵan emes, biz sondyqtan bul týyndymyzdy maqtan tutamyz. Aldaǵy ýaqytta jyl saıyn osyndaı shyrsha jasap, ony dástúrge aınaldyrýdy josparlap otyrmyz",- dedi «Ásem-Aı» kompanııasynyń Bas dırektory Máýlen Orazqulov.
